ЯҢАЛЫКЛАР

Лаеш районының Комлы Кавал авылында 220 урынлык «Умка» балалар бакчасын ачу тантанасы булды. Чарада Татарстан Рәисе Рөстәм Миңнеханов белән Лаеш районы башлыгы Илдус Зарипов катнашты.

«Мондый күләмле проектны гамәлгә ашыру команданың бердәм эше нәтиҗәсендә мөмкин булды. «Умка» сабыйларыбыз өчен икенче йорт булыр дип ышанам», – дип ассызыклады Илдус Зарипов.

Татарстан Рәисе Рөстәм Миңнеханов «ТАССРның 100 еллыгы» станциясендә Казан метрополитенының икенче линиясенең беренче участогы төзелеше барышы белән танышты. Аны ТР Төзелеш, архитектура һәм ТКХ министры Марат Айзатуллин һәм башкалар озата йөрде.

ТР Төзелеш, архитектура һәм ТКХ министрлыгында Үзбәкстан Республикасының Кашкадарья өлкәсе делегациясе белән киңәшмә узды.

Министр урынбасары Илшат Гыймаев рәислегендә узган киңәшмәдә Татарстанның алдынгы төзелеш оешмалары җитәкчеләре катнашты.

Агымдагы елда Татарстанда «Безнең ишегалды» республика программасын гамәлгә ашыру дәвам итәчәк.  

«Татарстан Республикасы шәһәрләрен үстерү институты» фонды директоры Наилә Зиннәтуллина сүзләренчә, якын арада ишегалларын төзелеш сезонына әзерләү башланачак. «Берничә атнадан халыкка төзекләндерүнең йомгаклау схемаларын тәкъдир итүгә керешәчәкбез. Исегезгә төшерәм, милекчеләрнең гомуми җыелышлары беркетмәләрен килештерү бурычы әлегә кадәр тәмамланмаган. Срок 14 март иде. Бүгенге көнгә 678 ишегалдының бары тик 468 ишегалды буенча гына беркетмәләр кабул ителгән, тагын 116 документ комплекты тикшерелә, 94 комплект әле дә муниципаль берәмлекләр эшендә», – диде Наилә Зиннәтуллина.

Агымдагы елда Татарстанның 42 муниципаль районында 911 йортка капиталь ремонт ясалачак.

Хәзерге вакытта Торак-коммуналь хуҗалыгы фонды электрон аукционнар үткәрүне дәвам итә. 562 йортта капиталь ремонт ясау өчен подряд оешмалары билгеләнгән. Шул исәптән 134 – лифт җиһазларын алыштыру буенча, 428 – төзелеш-монтаж эшләрен башкаруга.

Узган шимбәдә ТР Хөкүмәте Йортында узган традицион киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин социаль-мәдәни өлкә объектларына, гидротехник корылмаларга һәм күпфатирлы йортларга капремонт эшләренең торышы турында сөйләде.

Барлык муниципаль районнар катнашында киңәшмәне Татарстан Рәисе Рөстәм Миңнеханов үткәрде.

Казанда диаметры 1,6 м булган полимер торбалар җитештерү башланды, 2,4 м. линия эшләтеп җибәрүгә әзерләнә. Полимер торбалар, искергән челтәрләрне масштаблы яңарту кысаларында кирәк дип билгеләп үтте хакимият вәкилләре һәм эксперт.

ТР Төзелеш, архитектура һәм ТКХ Министрлыгында Үзбәкстан Республикасы делегациясе белән эшлекле очрашу узды.

Министр урынбасары Илшат Гыймаев рәислегендә узган киңәшмәдә ТР Хезмәт, мәшгульлек һәм социаль яклау министры Эльмира Зарипова, Татарстанның әйдәп баручы төзелеш оешмалары җитәкчеләре катнашты.

Бүген ТР Төзелеш, архитектура һәм торак-коммуналь хуҗалык министрлыгында Иҗтимагый советның чираттагы утырышында 2024 елда коррупциягә каршы сәясәтне гамәлгә ашыру мәсьәләләрен карадылар. Утырышны Иҗтимагый совет рәисе Ринат Абдуллин үткәрде.

Татарстанның Кукмара муниципаль районының Балыклы авылында клубка капиталь төзекләндерү планлаштырыла.

Капиталь ремонт барышында тәрәзәләр алыштырылачак, идәннәр, фасадлар, түбә һәм эчке инженерлык челтәрләре яңартылачак. Шулай ук биналарның эчке бизәлеше дә башкарылачак.