ЯҢАЛЫКЛАР

20 июльгә Татарстан Республикасында торакны файдалануга тапшыру планы 80% ка үтәлгән, 2 млн 518 мең кв. м. файдалануга тапшырылган. Мондый мәгълүматларны ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин әйтте.

Социаль-мәдәни объектлар төзү, гражданнарның аерым категорияләрен торак белән тәэмин итү һәм инженерлык инфраструктурасын модернизацияләү буенча республика һәм федераль программаларны гамәлгә ашыру барышы турында Татарстан Республикасы Министрлар Кабинетында узган киңәшмәдә Татарстан Республикасы Төзелеш, архитектура һәм ТКХ министры Марат Айзатуллин сөйләде.

Казанда Серов урамындагы бульварны яшелләндерү башланды. Территориядә 175 төрле тал үсентесе, шулай ук каен, шомырт, алмагач, чикләвек, чыршы, зирек һәм миләш үсентеләре утыртылачак. Эшләр «Торак һәм шәһәр мохите» илкүләм проектының «Уңайлы шәһәр мохитен формалаштыру» Федераль проекты буенча башкарыла.

Кичә ТР Төзелеш, архитектура һәм ТКХ министры урынбасары Мәҗит Салихов Казанның коммуналь инфраструктура объектларын реконструкцияләү барышы белән танышты.

Бүген республика Төзелеш министрлыгында Татарстан Республикасы икътисадына федераль акчалар җәлеп итү буенча эшче төркем киңәшмәсе узды. Чараны ТР Төзелеш, архитектура һәм торак-коммуналь хуҗалык министрының беренче урынбасары Алексей Фролов үткәрде, анда РФ Федераль Җыенының сигезенче чакырылыш Дәүләт Думасы депутаты Марат Нуриев катнашты.

РФ гражданнары өчен калдыкларны аерым җыюны һәм аңлы рәвештә куллануны популярлаштыру буенча «Уберу» платформасы эшләнде, ул икенчел чимал кабул итү пунктларының иң эре федераль картасын үз эченә ала. Платформа каты коммуналь калдыклар белән эш итүнең комплекслы системасын формалаштыру буенча «Россия экология операторы» гавами-хокукый компаниясе тарафыннан эшләнгән.

Татарстан Республикасы Төзелеш министрлыгы башлыгы Марат Айзатуллин Татарстан Республикасы Хөкүмәте Йортында узган шимбә киңәшмәсендә күп фатирлы торак йортларга капиталь ремонт ясау программасын гамәлгә ашыруның барышы турында сөйләде. Барлык муниципалитетлар белән киңәшмәне ТР Рәисе Рөстәм Миңнеханов үткәрде.

Татарстан Республикасында социаль-мәдәни өлкә объектларын капиталь ремонтлау программалары актив фазада тора. Бу хакта ТР Төзелеш, архитектура һәм торак-коммуналь хуҗалык министры Марат Айзатуллин ТР Хөкүмәте Йортында узган традицион шимбә киңәшмәсендә хәбәр итте.

Татарстан Республикасы Питрәч муниципаль районы Кәек авылында «Алгоритм» технология лицеена өстәмә корпус төзелә.

Төзелеш Мәгариф милли проектының заманча мәктәп федераль проекты буенча алып барыла. Төзелеш-монтаж эшләренең гомуми үтәлеше 79% тәшкил итә.

Өлешле төзелештә катнашучыларның хокукларын яклауны тәэмин итү максатыннан ТР Төзелеш министрлыгы өлешле төзелеш объектына хокукларны ДДУ буенча таләп хокукларын бирү белән алуга  бәйле хокук мөнәсәбәтләренең үзенчәлеге турында хәбәр итә.