ЯҢАЛЫКЛАР
Мәгариф өлкәсендә 13 объект төзелә, шуларның 8е – гомуми белем бирү учреждениеләре. ТР Төзелеш, архитектура һәм ТКХ министры Марат Айзатуллин ТР Хөкүмәте Йортында узган республика киңәшмәсендә хәбәр иткәнчә, мәктәпләр буенча төзелеш-монтаж эшләре 78% ка үтәлгән. Биш балалар бакчасы буенча эшләр 51% ка үтәлгән.
MAX мессенджерында «Татарстан Республикасы Дәүләт хезмәтләре» махсус чат-боты эшли башлады, аның ярдәмендә кирәкле сервисларны дистанцион рәвештә, дәүләт учреждениеләренә бармыйча гына алырга мөмкин:
Казанның Побежимов ур., 47 адресы буенча урнашкан 25 нче китапханәдә капиталь ремонт тәмамланган. Эшләр «Гаилә» илкүләм проектына керә торган «Гаилә кыйммәтләре һәм мәдәният инфраструктурасы» федераль проекты буенча башкарылды.
Бүген иртән Татарстан Рәисе Рөстәм Миңнеханов Казан метрополитенының «ТАССРның 100 еллыгы» станциясе төзелеш мәйданчыгында булды.
Төзелеш мәйданчыгы Ю.Фучик һәм Рихард Зорге урамнары киселешендә урнашкан.
Татарстан Рәисе Рөстәм Миңнеханов Биектауда «Импульс» яшьләр үзәген ачуда катнашты.
Ике катлы бинада универсаль заллар, мультимедиа үзәге, чүлмәкчелек һәм балта остаханәләре, яшь гаиләләр клубы, стилист студиясе каралган.
Татарстан Республикасында еллык план 80% ка үтәлгән – төзүчеләр тарафыннан 2 млн 599 мең кв. м. файдалануга тапшырылган. Бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин катнашты.
Биектау тимер юл станциясе бистәсендә композитор Рөстәм Яхин исемен йөртәчәк яңа балалар сәнгать мәктәбен ачу тантанасы булды. Тантананы аның атаклы «Туган ягым» романсын башкарган оркестр озата барды.
Ачу тантанасында ТР Төзелеш, архитектура һәм торак-коммуналь хуҗалык министры Марат Айзатуллин, ТР Биектау муниципаль районы башлыгы Равил Хисаметдинов һәм башкалар катнашты.
Кадерле коллегалар, хөрмәтле төзелеш тармагы ветераннары!
Дөньяда хезмәт нәтиҗәләрен һәр кеше тоя торган һөнәрләр аз. Без яши торган йорт, алга киткән инфраструктура, төзекләндерелгән ишегаллары — болар барысы да төзүчеләр кулы белән башкарыла.
Быел безнең һөнәри бәйрәмебез үзенчәлекле: төзүчеләр көне нәкъ 70 ел элек гамәлгә куелган.
Бүген Яр Чаллыда «Иң яхшы сметачы - 2025: индустриаль мирас» Бөтенроссия конкурсының финал этабы уза.
Конкурс 12 мәртәбә уздырыла һәм төзелеш өлкәсендә һөнәри осталык буенча абруйлы конкурсларның берсе булып тора. Аның максаты – бәя кую һәм смета нормалаштыру өлкәсендә белгечләр эшчәнлегенең нәтиҗәлелеген күтәрү.
«Яшәү өчен инфраструктура» илкүләм проекты буенча Азнакай шәһәрендә популяр булган Раувел Ишкаев исемендәге паркның беренче өлешен төзекләндерү эшләре төгәлләнде. Парк «Азнакайнефть» идарәсе башлыгы Раувел Кәлимулла улы Ишкаев исемен йөртә.