ЯҢАЛЫКЛАР
2015 елдан башлап Татарстанда 400дән артык җәмәгать урыны төзекләндерелде, аларның һәр унынчысы республика башкаласында урнашкан. Бу хакта «Кече Ватан — Россия көче» II Бөтенроссия муниципаль форумының төбәк көнендә Казанның Парклар һәм скверлар дирекциясе җитәкчесе Айгөл Латыйпова сөйләде.
Казанда 15 ел эчендә паркны төзекләндерү өлкәсендә 15,5 млрд сумлык 148 проект гамәлгә ашырылган. Шәһәрдә яшелләндерелгән территорияләр мәйданы 5 тапкырга арткан. Бу хакта «Кече Ватан – Россия көче» II Бөтенроссия форумының төбәк көнендә Башкарма комитет башлыгы урынбасары Игорь Куляжев сөйләде.
2011 елда Татарстан башкаласында «Йөз сквер» шәһәр программасы башланды, 2015 елдан җәмәгать урыннарын үстерү республика программасы старт алды, 2017 елда – «Уңайлы шәһәр мохитен формалаштыру» федераль проекты, 2020 елдан «Торак һәм шәһәр мохите» илкүләм проекты гамәлгә ашырыла.
2025 елда Татарстан Рәисенең «Безнең ишегалды» программасы кысаларында 10 млрд сумлык ишегалды территорияләрен төзекләндерү планлаштырыла. Бу хакта «Кече Ватан – Россия көче» II Бөтенроссия муниципаль форумының төбәк көнендә Татарстан Республикасы шәһәрләрен үстерү институты Аппараты җитәкчесе, программа кураторы Арина Петрова сөйләде.
«Безнең ишегалды» программасын гамәлгә ашыру кысаларында Татарстанда бу ел дәвамында 679 ишегалды яңартырга ниятлиләр. Узган ел ул 835 объектны колачлаган.
Татарстанда беренче авыл агломерациясе – Саба агломерациясе төзеләчәк. Әлеге муниципаль район территориясендә пилот проекты – Байлар Сабасы терәк торак пунктын озак вакытлы үстерү программасы гамәлгә ашырыла. Бу хакта бүген «Кече Ватан – Россия көче» II Бөтенроссия форумының төбәк – Татарстан көне кысаларында район башлыгы Рәис Миңнеханов һәм ТР Пространствоны планлаштыру институты директоры Олег Григорьев хәбәр итте.
Казанда «Кече Ватан – Россия көче» II Бөтенроссия муниципаль форумының икенче көне башланды. Ул Россия Президенты Владимир Путин кушуы буенча уздырыла. Әлеге чараны РФ Президенты Администрациясе ярдәмендә Бөтенроссия җирле үзидарәне үстерү ассоциациясе (ВАРМСУ) оештыра.
ТР Рәисе Рөстәм Миңнеханов, парламент һәм республика Хөкүмәте исеменнән II Бөтенроссия форумының икенче көнендә катнашучыларны Татарстан Дәүләт Советы Рәисе Фәрит Мөхәммәтшин сәламләде. Чарада илнең 89 төбәгеннән 500гә якын катнашучы катнаша.
«Татарстанда уңайлы мохит булдыру өчен күп нәрсә эшләнә. Социаль объектлар, мәдәният һәм спорт объектлары төзелә, зур һәм кече шәһәрләрдә генә түгел, авылларда да», – диде Фәрит Мөхәммәтшин.
Татарстанда «Кече Ватан – Россия көче» II Бөтенроссия муниципаль форумының төбәк көне башланды. Илнең башка төбәкләреннән муниципалитетлар вәкилләре Казанда төзелгән һәм төзекләндерелгән төп объектлар белән танышты.
«Быел форумның төбәк көне Казанда узуына без бик шат, чөнки Татарстан иҗтимагый территорияләрне төзекләндерү программасына нигез салды. Ун ел эчендә без зур нәтиҗәләргә ирештек һәм тәҗрибә тупладык, аны башка төбәкләр белән уртаклашырга вакыт җитте. Татарстанда зур шәһәрләрдә дә, кече җирлекләрдә дә гомуми суммасы 33 млрд сумнан артыграк булган 400дән артык җәмәгать урыны төзелде яки яңартылды», – дип билгеләп үтте Татарстан Төзелеш, архитектура һәм торак-коммуналь хуҗалык министры Марат Айзатуллин.
ТР Төзелеш, архитектура һәм торак-коммуналь хуҗалык министры урынбасары Владимир Кудряшев кичә Казан дәүләт архитектура-төзелеш университеты төзелешендә икътисад һәм идарә институты студентларына лекция укыды. Очрашу «Цифра» фәнни-мәгариф үзәгендә узды.
Татарстан Республикасы Саба районының Байлар Сабасында балалар иҗат йорты бинасын төзү дәвам итә.
Бүгенге көнгә объектның оператив әзерлеге 89% .
Объектта эчке эшләр алып барыла, инженерлык челтәрләре монтажлана, фасад эшләре төгәлләнә, шулай ук лифт җиһазлары урнаштырыла.
29 һәм 30 гыйнварда Казанда «Кече Ватан – Россия көче» II Бөтенроссия муниципаль форумының төбәк көне үтәчәк. Шәһәр мохитен төзекләндерү һәм формалаштыру өлкәсендә иң яхшы тәҗрибәләр белән уртаклашу өчен Татарстан башкаласына федераль, төбәк һәм җирле хакимият органнарының 500дән артык вәкиле, архитекторлар, проектлаучылар, шәһәр төзүчеләр, урбанистика һәм территориаль үсеш өлкәсендәге экспертлар киләчәк. Бу хакта «Татар-информ»да узган матбугат конференциясендә ТР Төзелеш, архитектура һәм ТКХ министрының беренче урынбасары Дамир Шәйдуллин сөйләде.
Татарстан Республикасында сәламәтлек саклау тармагы буенча агымдагы елга финанслауның гомуми лимиты 2 федераль һәм 2 республика программасы буенча 2 млрд 901 млн сум булган 53 объект төзү планлаштырылган. Бу хакта Татарстан Республикасы Төзелеш, архитектура һәм торак-коммуналь хуҗалык министры Марат Айзатуллин Татарстан Республикасы Министрлар Кабинетында узган республика киңәшмәсендә сөйләде.