ЯҢАЛЫКЛАР
Яшел Үзән су каналы 2024 елдагы эш йомгаклары буенча «Чиста су» номинациясендә Шәһәр хуҗалыгы предприятиеләре профессионалларының төбәкара күп тармаклы премиясе җиңүчесе булды. Бүләкләү тантанасы Мәскәүдә «Бердәм Россия» партиясенең Үзәк Башкарма комитетында узды.
Татарстанда «Яшәү өчен инфраструктура» илкүләм проектының «Коммуналь инфраструктураны модернизацияләү» федераль программасы гамәлгә ашырыла. Илкүләм проект кысаларында 3,15 млрд сумлык 36 объектны яңарту чаралары планлаштырылган.
Яр Чаллы программага кергән объектлар саны буенча алда бара. Биредә гомуми озынлыгы 46 км дан артык булган 29 объект яңартылачак, бу максатларга 1,88 млрд сумнан артык акча каралган. Зурлары арасында:16 км озынлыктагы хуҗалык-көнкүреш канализациясе төзү, 19 км озынлыктагы су белән тәэмин итү челтәренең 16 участогына капиталь ремонт ясау. Башкарылган эшләр нәтиҗәсендә 516 меңнән артык чаллылы өчен су агызу һәм су белән тәэмин итү өлкәләрендә хезмәт күрсәтү сыйфаты яхшырачак.
Татарстан Республикасында 2024 елда җылыту чоры 16 сентябрьдә башланып, 2025 елның 16 маенда тәмамланды. Республика буенча җылыту чоры 243 көн дәвам итте – бу календарь елның өчтән ике өлеше. Мондый мәгълүматларны бүген Татарстан Республикасы Министрлар Кабинеты утырышында Татарстан Республикасының Төзелеш, архитектура һәм торак-коммуналь хуҗалык министры Марат Айзатуллин җиткерде.
Узган шимбәдә торак төзелешен гамәлгә ашыру барышы турында Татарстан Төзелеш, архитектура һәм ТКХ министры Марат Айзатуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.
Тәтеш муниципаль районының «Акчарлак» шәһәр читендәге сәламәтләндерү лагеренда яңа корпуслар төзелә.
«Акчарлак» лагереның гомуми мәйданы – 1 926 кв.м. Балаларны савыктыру лагерьларын төзү буенча республика программасы кысаларында агымдагы елда биредә йокы корпусы, медицина блогы, котельная һәм контроль-үткәрү пункты төзелә.
Бүген «Россия – Ислам дөньясы: KazanForum» Халыкара икътисади форумы кысаларында Татарстан Рәисе Рөстәм Миңнеханов, Россия Хөкүмәте Рәисе урынбасары Марат Хөснуллин һәм Россия Төзелеш һәм ТКХ министры Ирек Фәйзуллин күчемсез милек һәм инфраструктура проектлары күргәзмәсендә булды.
Күргәзмә «Казан Экспо» МВЦ павильонында 1300 кв метрдан артык мәйданда ачылды.
Бүген Татарстан Республикасы Рәисе Рөстәм Миңнеханов «СИБУР» ҖЧҖ идарәсе әгъзасы Павел Ляхович һәм «Деловая Россия» коммуналь инфраструктура һәм ТКХ комитеты рәисе, «Группа Полипластик» ҖЧҖ директорлар советы рәисе Лев Гориловский белән очрашты.
Очрашу «Россия – Ислам дөньясы: KazanForum» Халыкара икътисади форумы кысаларында «Казан Экспо» халыкара үзәгендә узды
Минзәләнең Садак микрорайонында 500 урынлык мәктәп төзелә. Бу гомуми мәйданы 8 609 квадрат метр булган өч катлы бина булачак.
Объектта әзерлек һәм җир эшләре төгәлләнгән. Идәннәр астына күмү, ростверкларны гидроизоляцияләү бара. Төзүчеләр шулай ук бинаның тышкы диварларын сала башладылар.
Татарстанның Биектау муниципаль районының Усад авылында балалар сәнгать мәктәбен капиталь ремонтлау дәвам итә. Әлеге объект агымдагы елда «Гаилә» илкүләм проектының «Гаилә кыйммәтләре һәм мәдәният инфраструктурасы» федераль программасына кертелгән.
Гомуми мәйданы 486 кв. м булган бер катлы сәнгать мәктәбе бинасы 1981 елда төзелгән. Биредә 13 бүлмә, шул исәптән 200 кешегә исәпләнгән актлар залы, 4 сыйныф, педагоглар өчен кабинет һәм 2 бәдрәф бар.
ТР Төзелеш, архитектура һәм торак-коммуналь хуҗалык министрлыгы хезмәткәрләре министрның элеккеге урынбасары (2010-2016) Алмаз Сәлим улы Әхмәтшин вафат булуы сәбәпле туганнарының һәм якыннарының кайгысын уртаклаша.
Алмаз Сәлим улының хезмәт юлы зур казанышларга бай булды һәм хезмәт үсешенең барлык этапларын узды – Октябрь хуҗалыкара төзелеш оешмасында мастер-төзүчедән алып Татарстан Республикасы Төзелеш, архитектура һәм торак-коммуналь хуҗалык министры урынбасарына кадәр. Бу постта ул 2011 елдан 2016 елга кадәр хезмәт куйды, тармак үсешенә зур өлеш кертте.