ЯҢАЛЫКЛАР

Татарстанда күпфатирлы йортларга капиталь ремонт ясау программасын гамәлгә ашыру дәвам итә. Хәзерге вакытта өстәмә лимит буенча муниципаль берәмлекләр йортларның беренчел исемлеген тәкъдим иттеләр, дефектлы ведомостьларны республиканың Дәүләт торак инспекциясе белән килештерү һәм торак фонды мониторингының дәүләт мәгълүмат системасында программа формалаштыру буенча эшләр алып барыла.

Татарстанда мәгариф өлкәсендә 213 объектка капиталь ремонт ясалачак. Бу хакта шимбә көнне ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.

23 муниципаль берәмлектә 33 мәктәп, интернат-мәктәп, балалар йортлары һәм мәктәптән тыш эшләр үзәге тулысынча яңартылачак. 83 мәктәптә –  функциональ зоналар һәм 74 мәгариф учреждениесендә – азык-төлек блоклары.

Түбән Камада перинаталь үзәге булган район хастаханәсенең акушерлык корпусына капиталь ремонт ясау төгәлләнеп килә.

Акушерлык корпусы Менделеев урамында урнашкан. Гомуми мәйданы 4 490 кв. м булган бу дүрт катлы бина 120 урынга исәпләнгән.

Белгечләр эчке һәм фасад эшләрен башкаралар, сантехник җиһазлар урнаштыралар. Объектның оператив әзерлек проценты 92% тәшкил итә.

Бүген Татарстан Рәисе Рөстәм Миңнеханов Чаллыга эш сәфәре вакытында КАМАЗ хезмәткәрләре өчен 18 катлы аренда йортын файдалануга тапшыру тантанасында катнашты. Чарада Төзелеш, архитектура һәм ТКХ министры урынбасары Илшат Гыймаев та булды.

Бер подъездлы йортта 179 фатир бар, шул исәптән 108 – бер бүлмәле, 53 – ике бүлмәле һәм 18 – өч бүлмәле. Аларның гомуми мәйданы 8,8 мең кв. м.

Зәй үзәк хастаханәсенең йогышлы авырулар бүлегенә капиталь ремонт тәмамланган.

Инфекция бүлеге 54 урынга исәпләнгән. Гомуми мәйданы 2 161 квадрат метр булган әлеге өч катлы бинада тулы бер комплекслы эшләр башкарылган. Бинаның фасады һәм түбәсе яңартылган, эчке инженерлык челтәрләре ремонтланган, тәрәзәләр һәм ишекләр алыштырылган. Шулай ук эчке бизәкләр – түшәмнәр, идәннәр, стена плиткалары, бәдрәфләр ясалган.

Моннан тыш, йогышлы авырулар бүлегендә медицина җиһазлары тулысынча яңартылган, яңа кислород газификаторы урнаштырылган.

Татарстан Республикасы Төзелеш, архитектура һәм торак-коммуналь хуҗалык министры урынбасары Илшат Гыймаев түгәрәк өстәл барышында хәбәр иткәнчә, республикада бүгенге көндә 4,8 млн.кв. м. торак төзелә. Аларның өчтән бер өлеше хәзер эшнең башлангыч этабында.

Гомумән алганда, Татарстанда бүгенгә төзелешкә 516 рөхсәт бирелгән, диде Гыймаев.

Татарстанның Чистай муниципаль районының Данауровка торак пунктында фельдшер-акушерлык пункты төзелешенә керештеләр. ФАП бинасы гомуми мәйданы 58 кв. м булган модульле проект буенча төзелә. Хәзерге вакытта төзүчеләр модульне урнаштыруны төгәллиләр. Ул функциональ, уңайлы кабинетлар һәм Данауровка халкына беренчел медицина ярдәме күрсәтергә мөмкинлек бирә торган заманча җиһазлар белән тәэмин ителәчәк.

Татарстанда инженерлык челтәрләрен модернизацияләүнең 8 федераль һәм республика программасын гамәлгә ашыру дәвам итә.

ТР Төзелеш министрлыгында хәбәр итүләренчә, хәзерге вакытта «Халыкны эчәр су белән тәэмин итү» һәм «Су агызу системалары челтәрләрен һәм корылмаларын төзү, реконструкцияләү һәм капиталь ремонтлау» республика программалары буенча объектлар исемлеге төзелгән. Татарстан Республикасы Министрлар Кабинеты күрсәтмәсе проекты килештерү процедурасын уза.

Татарстан Республикасы Төзелеш, архитектура һәм ТКХ министрлыгында «Нәтиҗәле һәм конкурентлы икътисад» илкүләм проекты кысаларында «Хезмәт җитештерүчәнлеге» федераль проектын гамәлгә ашыруга багышланган киңәшмә узды.

Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Төзелеш, архитектура һәм торак-коммуналь хуҗалык министры Марат Айзатуллин социаль-мәдәни өлкә объектларын, җәмәгать киңлекләрен төзү, шулай ук илкүләм проектлар, дәүләт һәм республика программалары кысаларында инженерлык инфраструктурасын модернизацияләү программалары буенча эшләрнең планнары һәм торышы турында сөйләде.