ЯҢАЛЫКЛАР

Бүген «Казан Экспо» мәйданчыгында «Россия – Ислам дөньясы: KazanForum 2023» XIV халыкара икътисади форумы ачылды. Тантанада Россия Федерациясе Хөкүмәте Рәисе урынбасары Марат Хөснуллин, Икътисади үсеш министрлыгы башлыгы Максим Решетников, Татарстан Республикасы Рәисе, «Россия – Ислам дөньясы» стратегик күзаллау төркеме рәисе Рөстәм Миңнеханов катнашты.

Россия Төзелеш министрлыгының проект дирекциясе җитәкчелеге  Б. Рәмиев исемендәге ИТ-парк технопаркында булды.

Һөнәри эшчәнлек нәтиҗәләре буенча 2022 елда Татарстан Республикасы дәүләт граждан хезмәткәрләренең электрон почет тактасына кертү өчен 29 дәүләт хезмәткәре билгеләнде.

Бүген ТР Төзелеш, архитектура һәм торак-коммуналь хуҗалык министры урынбасары Илшат Гыймаев Казанда ике яңа балалар бакчасы төзелеше барышы белән танышты. Гомуми мәйданы 2 267,53 кв.м. һәм һәркайсы 220 кеше сыйдырырлык мәктәпкәчә учреждениеләр Адоратский урамында урнашкан. Объектлар Демография илкүләм проекты уңаеннан төзелә. 

Бүген Казанда Татарстан районнары һәм шәһәр округлары җитәкчеләре һәм хезмәткәрләре өчен җәмәгать урыннары белән эшләү буенча укыту программасы башланды. Катнашучыларны Татарстан Республикасы Рәисе Рөстәм Миңнеханов сәламләде. Чарада ТР Төзелеш, архитектура һәм ТКХ министрының беренче урынбасары Алексей Фролов катнашты.

Социаль-мәдәни объектлар төзү, коммуналь инфраструктураны модернизацияләү һәм төзекләндерү программалары турында ТР Хөкүмәте Йортында узган атналык киңәшмәдә республика Төзелеш министрлыгы башлыгы Марат Айзатуллин сөйләде.

Май башына Татарстан Республикасы шәһәр төзелеше эшчәнлеген тәэмин итүнең дәүләт мәгълүмат системасында (ГИСОГД) муниципаль хезмәтләр буенча 4763 гариза эшкәртелгән, алар буенча 5213 рөхсәт һәм хәбәрнамә, шул исәптән социаль әһәмиятле хезмәтләр буенча да формалаштырылган.

Бүген Татарстанның Төзелеш, архитектура һәм торак-коммуналь хуҗалык министрлыгы хезмәткәрләре «Татарстанның чиста урманнары» табигатьне саклау акциясендә катнашты.

Бүгенге көндә Татарстан Республикасында 1 млн 411 мең квадрат метр торак файдалануга тапшырылган. Бу еллык планның 45,5%. Бу хакта бүген ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.

Казанда «Бердәм Россия» Бөтенроссия сәяси партиясенең Татарстан төбәк бүлеге комиссиясенең киңәйтелгән утырышы узды, анда «Милли проектлар: Татарстан-2022» республика конкурсына һәм «Кайтырга вәгъдә итәм!» проектына йомгак ясалды. Конкурста җиңүчеләргә һәм лауреатларга бүләкләрне Дәүләт Советы Рәисе, «Бердәм Россия» партиясенең Татарстан төбәк бүлеге секретаре Фәрит Мөхәммәтшин тапшырды. Бүләкләү тантанасында ТР Төзелеш, архитектура һәм ТКХ министрының беренче урынбасары Алексей Фролов катнашты.