ЯҢАЛЫКЛАР
Бүген яңа Иннополис IT-шәһәрнең төзелеш мәйданында, бүлеп бирә торган газүткәргечләрнең беренче этабын файдалануга тапшыру булды. Булачак шәһәрдә газ белән тәэмин итүнең барлыкка килү тантанасында Татарстан Президенты Рөстәм Миңнеханов, РФ элемтә һәм массакүләм коммуникация министры Николай Никифоров, “Газпром трансгаз Казань” ҖЧҖ генераль директоры Рафкат Кантюков катнашты.
Бүген Татарстан Республикасы Төзелеш, архитектура һәм торак-коммуналь хуҗалык Министрлыгында торак-коммуналь комплекс хезмәтләре өчен түләүләр җыю сораулары буенча түгәрәк өстәл булды.
ТР Кайбыч муниципаль районы Багаево авылында, беренчел медицина ярдәме күрсәтү учреждениеләрен төзү һәм ремонтлау программасы буенча, фельдшер-акушерлык пунктын ремонтладылар. Агымдагы елда, Кайбыч районының Арасланово, Багаево, Салтыганово, Корноухово, Кече Каенлык, Янсурино, Федоровское, Морза Берлибашы һәм Баймурзино авылларына, республика бюджетыннан 100 әр мең сум бүленеп бирелде. Ун медпункт узган елны ук ремонтланган.
21 август көнне, ТР Югары Ослан муниципаль районы Ключищи авылында, хезмәтне саклау турындагы өйрәтә торган семинар белән бергә, төзелеш материаллары җитештерә торган предприятиеләрдә хезмәтне саклау һәм куркынычсызлык техникасы сораулары буенча эшче төркем утырышы булачак.
15 август торышына булган мәгълүматлар буенча, Татарстан Республикасында, 2013 ел өчен булган күп фатирлы торак йортларны капиталь ремонтлау программасының 94%ы үтәлгән, эшләнгән эшләрнең суммасы 4 млрд. 452 млн. сумны тәшкил итә. Әлеге хәбәрне бүген, ТР Төзелеш, архитектура һәм ТКХ министры Ирек Фәйзуллин, ТР Хөкүмәт Йортында узган республика киңәшмәсендә хәбәр итте.
Бу атнаны Татарстан Республикасы Төзелеш, архитектура һәм торак-коммуналь хуҗалык министры урынбасары А.М. Фролов, эшлекле сәфәр белән, ТР Әгерҗе муниципаль районында булды. Ул монда район башлыгы В. Макаров, башкарма комитет җитәкчесе А.Авдеев, “Теплосбыт” ҖЧҖкә нигез салучы Н. Тимофеев һәм аның директоры И. Валиев, “Тепловые сети” ҖЧҖ директоры вазыйфаларын башкаручы Э. Ниязов, “Агрызские тепловые сети” ҖЧҖ директоры Д. Шарисламов белән очрашты һәм шәһәрнең ягулык чорына әзерлек сорауларын өйрәнде.
Бүген ТР Төзелеш, архитектура һәм торак-коммуналь хуҗалык министры урынбасары Аляшев Ю.Л., “Алабуга” ППТ МИЗда, подрядчы оешмалар белән киңәшмә үткәрде. Әлеге киңәшмәдә “Алабуга” махсус икътисади зонаның инфраструктура объектларын төзү сораулары тикшерелде.