ЯҢАЛЫКЛАР
Бүген "Архитектура күпере: Казан – Мәскәү. Урта катлы торак төзелешнең заманча архитектурасы" өченче архитектура-шәһәр төзелеше конференциясе узды. Чараны ТР төзелеш, архитектура һәм торак-коммуналь хуҗалык министрлыгы белән төзелеш, архитектура һәм шәһәр төзелеше милли агентлыгы (автоном коммерцияле булмаган оешма) оештырдылар. Быел конференциянең төп темасы буларак урта катлы торак төзелешнең заманча архитектурасын формалаштыру сораулары сайланганнар иде. "Соңгы еллар дәвамында Татарстанда 2,4 млн. кв. м. торак кертелә һәм бу күрсәткеч буенча республика Рәсәй Федерациясе төбәкләре арасында җан башына туры килгән торак тапшыру буенча лидерлар рәтенә тотрыклы керә ", -дип билгеләп үтте министр урынбасары Владимир Кудряшев."Бу арасына биек объект булган да, аз катлы торак та керә. Әлеге торак төзелеше төренең потенциалы әле ачылмаган. Шуңа күрә тәҗрибә уртаклашу монда бик мөһим",-диде Владимир Кудряшев. Архитектура күперенең икенче өлеше " Тарихи җирлекләрнең шәһәр төзелеше һәм проект документлары өчен система: проектлау үзенчәлекләре, закон һәм архитектура проблемалары" темасына багышланган иде.
Алабуга районының Костенеево авылында Президент программасы буенча футбол мәйданчыгы салына башлады. Бу хакта Костенеево авыл җирлеге башлыгы Антон Соловьев хәбәр итте.
"Мәгариф объектларының (мәктәпләр, балалар бакчалары) капиталь ремонты" республика программасының финанслау күләмнәрен саклап калу планлаштырыла. Бу хакта "Татар-информ" мәгълүмат агентлыгы хәбәрчесенә Татарстан Республикасы төзелеш, архитектура һәм торак-коммуналь хуҗалыгының ТКХ программаларын эксплуатация һәм гамәлгә ашыру идарәсе начальнигы, Илдус Насыйров 17-нче номерлы гимназиясенә пресс-тур вакытында сөйләде. "Киләсе елга программа күләме якынча шундый ук дәрәҗәгә, 2,5 миллиард сум, планлаштырыла. Аның сүзләренә караганда, 2017 елда Татарстанда капиталь ремонт 110 балалар бакчаларында, 36 гомуми белем бирү учреждениеләрендә узды, алар арасында җиде коррекцион, – барлыгы 146 объект, аларга 2 млрд. 576 млн. сум сарыф ителгән. " Казандагы өч объектта өстәмә эшләр алып барыла – бу 28 номерлы гимназия, 40 номерлы гимназия, 97 номерлы гимназия. Капремонт үткәргәндә өстәмә эшләр ачыкланды, алар октябрь аенда тәмамланачак", – дип билгеләп үтте министрлык вәкиле.
Ютазы районының Урыссу ш.т.п. буенча 2017 елгы капиталь ремонт программасында 14 күпфатирлы торак йортта төзекләндерү эшләре планлаштырылган иде. Программа кысаларында 2 йортта салкын су белән тәэмин итү, 2 йортта су бүлү, 2 йортта электр белән тәэмин итү системаларын алмаштыру, 14 йортта түбә ремонтлау эшләре башкарылды. Барлык эшләр дә төгәлләнде, ЭТИС буенча сатып алуларны чагыштыру актлары, капиталь ремонт эшләре төгәлләнгәннән соң милекчеләрнең җыелышларының эшләрне кабул итеп алу турындагы беркетмәләре тапшырылды. Капиталь ремонт төгәлләнү уңаеннан күпфатирлы торак йортларны файдалануга тапшыру актлары имзаланды.
Бүген Татарстан Республикасы Президенты Рөстәм Миңнеханов Казанның ремонт-торгызу эшләре алып барылучы берничә социаль һәм мәдәни объектында булды.
Татарстан Республикасы Президенты белән бергә күчмә эшче киңәшмәдә Татарстан Республикасы Премьер-министры Алексей Песошин, ТР Президенты Аппараты Җитәкчесе Әсгать Сәфәров, Татарстан Республикасы Премьер-министрының беренче урынбасары Рөстәм Нигъмәтуллин, Татарстан Республикасы төзелеш, архитектура һәм ТКХ министры Ирек Фәйзуллин, Татарстан Республикасы мәдәният министры Айрат Сибәгатуллин, Татарстан Республикасы Президенты ярдәмчесе Олеся Балтусова, Казан мэры Илсур Метшин, Казан районнары администрацияләре башлыклары һәм башкалар катнашты.
Ел башланганнан бирле Татарстанда 1 589,2 мең квадрат метр торак файдалануга тапшырылган. Боларны бүген Татарстан Республикасы Хөкүмәте Йортында узган республика киңәшмәсендә хәбәр иттеләр. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.
2017 елның 15 сентябрь көнендә Идел Буе федераль округында Рәсәй Федерациясе Президентының тулы вәкаләтле вәкиле урынбасары, Олег Машковцев Идел Буе төбәгендә торак-коммуналь хуҗалык объектларын 2017-2018 елларда көзге-кышкы периодына әзерләнү мәсьәләсе буенча округ киңәшмәсен үткәрде. Киңәшмә эшендә ТР төзелеш, архитектура һәм торак-коммуналь хуҗалык министры Ирек Фәйзуллин катнашты.
Бүген Казанда “Салават күпере” торак комплексында социаль ипотека программасы буенча төзелгән 340 фатирлы йортка күченделәр. 11-4 булган Айрат Арсланов урамындагы 8нче йорт күченү буенча микрорайонда унынчысы.
2017 елгы капиталь ремонт программасында Лениногорск районы һәм Лениногорск шәһәре буенча 21 күпфатирлы торак йортны төзекләндерү планлаштырылган иде. Капиталь ремонт буенча 10 йортта җылы белән тәэмин итү системасын, 15 йортта салкын су белән тәэмин итү системасын, 6 йортта кайнар су белән тәэмин итү системасын, 18 йортта су бүлү системасын, 15 йортта электр белән тәэмин итү системасын алмаштыру, 10 йортта түбә төзекләндерү, 17 йортта фасад яңарту, 21 йортта подъездларны ремонтлау һәм 6 йортта подвал бүлмәләрен төзекләндерү эшләре башкарылды. Барлык эшләр дә төгәлләнде, ЭТИС буенча сатып алуларны чагыштыру актлары, капиталь ремонт эшләре төгәлләнгәннән соң милекчеләрнең җыелышларының эшләрне кабул итеп алу турындагы беркетмәләре тапшырылды. Капиталь ремонты тәмамланган күпфатирлы йортларны эксплуатациягә тапшыру актлары имзаланды.
2017 елның 12 башлап 15 сентябренә кадәр " Казан ярминкәсе " күргәзмә үзәгендә 19-нчы тапкыр төзелеш тармагы һәм торак-коммуналь хуҗалыгы белгечләре өчен кулланучылар, партнерлар, клиентлар һәм заказ бирүчеләр белән күрешү өчен бердәнбер диярлек профессиональ мәйданчык булган Халыкара Көзге төзелеш форумы уза. Форум программасында бизнес-бурычларны тормышка ашырырга һәм төзелеш комплексы белгечләренә тармакның үсешенең көнүзәк мәсьәләләре турында фикер алышырга мөмкинлек бирәчәк күпсанлы эшлекле чаралар планлаштырылган. Әлеге проект кысаларында – мастер-класслар уздыру мәйданчыгында,– күргәзмәнең компанияләр-катнашучыларның өзлексез режимында үз продукцияләрен күрсәтергә һәм аларның үзлекләрен һәм техник үзенчәлекләрен тәкъдир итәргә мөмкинлеге бар.