ЯҢАЛЫКЛАР
Бүген Азино-1 микрорайонында Россиядәге иң эре балалар поликлиникасының берсе ачылды, әлеге поликлиника 70 меңнән артык бала һәм яшүсмергә хезмәт күрсәтәчәк. Күптән көтелгән медицина үзәгенең ачылыш тантанасында ТР Президенты Рөстәм Миңнеханов, Казан Мэры Илсур Метшин, Премьер-министр урынбасары – ТР информатизация һәм элемтә министры Роман Шәһхетдинов, ТР сәламәтлек саклау министры Айрат Фаррахов катнашты.
Узган елны старт алган, сәламәтлек саклау учреждениеләрен төзү һәм төзекләндерү республика программасы безнең районда да тормышка ашты. 2012 елда 2 яңа ФАП эшли башлады. Мондый объектлар – модульле ФАПлар бүген Матак һәм Түбән Чекурск авылында ачылды.
Бүген ТР Мамадыш муниципаль районы Баскан авылында зур бәйрәм. Монда күп функцияле үзәк ачылды. Авыл халкы бүгенге вакыйганы зарыгып көтте. Баскан авылында 20 елга якын мәдәният учагы булмаган. “Клуб ачылышы – традицияләр сакаланган, иҗат үсеш алган авыл өчен тарихи мөһим вакыйга. Мәдәният йорты – авылдагы рухи-әхлакый, эстетик тәрбиянең төп үзәге. Һәм кешеләр әйбәт яшәсен, вакыйгалар уртасында булсыннар, үзләрен читтә урнашкан, аерылган дип тоймасыннар өчен төзелгән. Бүгенге вакыйга, ТР Президенты Рөстәм Миңнехановның, район үзәкләреннән еракта урнашкан авылларда мәдәният учагын сакалу турындагы карары нигезендә тормышка ашты. Без ресублика җитәкчелегенә зур рәхмәт җиткерәбез”, - диде үз чыгышында Мамадыш районы башлыгы Анатолий Иванов.
“Энергоэффектив йорт” циклындагы программаның чираттагы чыгарылышы 31 августта сәгать 10:25тә “Россия1 Татарстан” телеканалында эфирга чыгачак. Программаның төп темасы капиталь ремонт һәм капиталь ремонт программасы кысаларында энергияне саклау һәм энергеэффектив технологияләр кертү белән бәйле чаралар турындагы сорауларга багышланган.
Район җитәкчелеге алдында сигез мең квадрат метрдан артык торак файдалануга тапшыру бурычы куелган иде. Инфраструктуралы үсеш бүлеге мәгълүматлары буенча, файдалануга тапшырылырга тиешлеләр арасында индивидуаль йортлар да бар ( Тау асты, Байларово, Уруссу, Ютаза, Урал, Хөррият һәм Бәйрәки-Тамак торак пунктларында). Бәйрәки, Кече Уруссу, Каракашлы һәм Ютаза авылларындагы дүрт йорт, Бөек Ватан сугышы ветераннарының торак шартларын яхшырту программасын тормышка ашыру кысаларында төзелгән. Моннан тыш, авылны социаль үстерү программасы буенча яңа индивидуаль йортлар төзелгән. Күп фатирлы йортларга килгәндә, ел ахырында Уруссу бистәсендәге 27 фатирлы ике йортны (Солнечный микрорайонында һәм аңа охшаган, Ленин урамы буенча урнашкан йорт) файдалануга тапшыру планаштырыла. Солнечныы микрорайонында, Туймазы подрядчысы “ЭнергоСтройСервис” ҖЧҖ тарафыннан, тагын бер күп фатирлы йортны төзү эшләре дәвам итә, әлеге йортны киләсе елда тапшыру планлаштырыла.
ТР Әлмәт муниципаль районының Елхово авылында 200 урынлы яңа клуб ачылды. Авыл халкы күптән көтелгән әлеге бүләкне “Авыл клублары төзү” республика программасы кысаларында алды.
Яр Чаллыда мәктәпләрне капиталь ремонт эшләре тәмамланган, ремонт эшләре өчен бу елны 150 млн. 209 мең сум бүленеп бирелгән иде.
“Компания Татглавснаб” АО президенты киңәшчесе Кадников Борис Александа улы үзенең 80 яшьлеген билгеләп үтте. Озак еллар буе уңышлы эшләү дәверендә ул республика һәм илнең төзелеш тармагы үсешенә зур өлеш керткән.