ЯҢАЛЫКЛАР
Еллык күп фатирлы йортларны капиталь ремонтлау программасы кысаларында Казанда эшләнгән эшләрнең күләме 65 процентны тәшкил итә. Бу елны барлыгы 1,33 млрд. сумлык 154 йортны ремонтлау планлаштырылган. Әлеге хәбәрне бүген шәһәр башкарма комитетының ТКХ комитеты рәисе Искәндәр Гиниятуллин, мэрияда узган эшлекле киңәшмәдә әйтте.
Мәгариф учреждениеләрен капиталь ремонтлау буенча республиканың максатчан программасы Кама Тамагы муниципаль районында уңышлы тормышка ашырыла һәм әлеге уңай күренеш беренче ел гына үткәрелми инде. Узган елны ремонтланган Красновидовский мәктәбеннән эстафетаны Кама-Тамагы татар урта белем бирү мәктәбе алды.
Шәһәрдәге иң борынгы мәктәпләрнең берсе – Казан шәһәре Вахитов районының аерым предметларны тирәнтен өйрәнүгә юнәлдерелгән 80 нче номерлы татар-рус урта мәктәбе – уку йортларын капиталь ремонтлау программасының лидерлары рәтендә. Монда планлаштырылган эшләрнең 60% үтәлгән. Бүген Казан Мэры Илсур Метшин мәктәпнең торышын тикшерде.