ЯҢАЛЫКЛАР

Августта Менделеевскиның элеккеге «Химик» стадионы урынында «Камаш» пейзаж паркы барлыкка киләчәк.

Территория шәһәрнең үзәк өлешендә урнашкан һәм 1 гектардан артык мәйданлы йөгерү юлы булган футбол кырыннан гыйбарәт. Участок кыргый куаклар, агачлар белән капланган. Хәзер кишәрлекне алардан арындыралар һәм туфракның үсемлек катламын алалар.

30 майдан 31 майга кадәр Воронеж шәһәрендә Үзәк Россия төбәкләрендә архитектура һәм шәһәр үсеше өлкәсендә иң күләмле һөнәри вакыйга – «Зодчество ВРН» архитектура форумы узачак.

Татарстанның Алексеевск районында «Дубок» балаларны савыктыру лагеренда капиталь ремонт бара. Балалар лагере Биләр авылыннан төньяк-көнбатыштарак урнашкан.

Узган шимбәдә ТР Хөкүмәте Йортында узган киңәшмәдә республиканың Төзелеш, архитектура һәм ТКХ министры Марат Айзатуллин социаль-мәдәни өлкә объектларын капиталь ремонтлау программаларын гамәлгә ашыру турында хәбәр итте. Киңәшмәне Татарстан Рәисе Рөстәм Миңнеханов үткәрде.

Бу хакта узган шимбәдә ТР Хөкүмәте Йортында узган киңәшмәдә республиканың Төзелеш, архитектура һәм ТКХ министры Марат Айзатуллин хәбәр итте.

Күпфатирлы йортларны капиталь ремонтлау программасына быел 911 объект кертелгән, шуларның 16сының махсус счетлары бар, анда милекчеләр капиталь ремонт фондын формалаштыра. Йортларны ремонтлау эшләре 42 муниципаль берәмлектә башкарылачак. Хәзерге вакытта кыска вакытлы планга үзгәрешләр кертү турындагы карар проекты Министрлар Кабинетында раслана.

Бүген Татарстан Республикасы Төзелеш, архитектура һәм торак-коммуналь хуҗалык министрлыгында «ЦТС» Биржасы» АҖ белән биржа сатулары механизмын һәм төзелештә бәя куюның Федераль дәүләт мәгълүмат системасы (ЦС ФГИС) төзелеш ресурсларының тулылануын сынау эшен оештыру буенча семинар-киңәшмә узды.  Анда ТР Финанс министрлыгының Казначылык департаменты, Ведомство буйсынуындагы һәм подрядчы оешма вәкилләре катнашты.

Кукмарада уникаль агач төзелеш сәнгате бинасын – Вахитов урамындагы 1870 елда төзелгән ике катлы йортны реставрацияләүгә керештеләр. Биредә шәһәрдә киез итек җитештерүгә нигез салган абыйлы-энеле Комаровлар фабрикасының конторасы урнашкан. Монда шулай ук бертуган абыйларының берсе Николай Васильевич яшәгән.

Ремонт-реставрация эшләре Казан дәүләт яшь тамашачы театры бинасында башланды. 

Театр бинасы Островский урамы, 10 адресы буенча урнашкан. Ул 19 йөз ахыры – 20 йөз башында төзелгән, анда сәүдәгәрләр клубы ачылган. 1917 елгы Октябрь инкыйлабыннан соң аны татар мәдәнияте йортына бирәләр, 1923 елда биредә Максим Горький чыгыш ясый. 1940 нчы еллардан башлап Көнчыгыш клубы бинасында яшь тамашачы театры урнаша.

Бүген Торак сәясәте һәм инфраструктура үсеше комитеты һәм аның каршындагы Эксперт советының уртак утырышында Татарстан Республикасы Хөкүмәтенең 2024 елдагы эшчәнлеге нәтиҗәләре турындагы хисап каралды. Утырыш эшендә ТР Дәүләт Советы Рәисе урынбасары Юрий Камалтынов, ТР Рәисенең Дәүләт Советындагы тулы вәкаләтле вәкиле Тимур Ногманов, профильле министрлыклар һәм ведомстволар, иҗтимагый оешмалар вәкилләре катнашты.

14-16 май көннәрендә «Россия – ислам дөньясы: KazanForum» халыкара икътисадый форумы кысаларында күчемсез милек, девелопмент, архитектура һәм дизайн өлкәсендә International Property Market (IPM) халыкара күргәзмәсе һәм конференциясе икенче тапкыр узачак. Ул төрле илләрдән әйдәп баручы экспертларны, инвесторларны һәм девелоперларны берләштерәчәк һәм халыкара хезмәттәшлек өчен яңа мөмкинлекләр ачачак. Күргәзмә Россиядә һәм чит илләрдә төзелеш индустриясе һәм девелопментының икътисади нәтиҗәлелегенә багышланган, һәм дәүләт секторы белән төзүчеләрнең турыдан-туры диалогы өчен илдә төп платформаларның берсе булачак.