ЯҢАЛЫКЛАР
“КВН” смотр-конкурсын ТРның төзелеш, архитектура һәм торак-коммуналь хуҗалык министрлыгы ТРдагы “Россиянең төзүчеләр профсоюзы” оешмасы һәм республика төзүчеләр союзы белән берлектә оештырган иде. Әлеге конкурс бөтендөнья хезмәтне саклау көненә багышланган.
“КВН” смотр-конкурсында ”Камгэсэнергострой” ААҖ, Яр Чалллы шәһәренең”Йорт төзү комбинаты” ҖЧҖ, Әлмәт шәһәренең “Ук “ Главнефтегазстройсервис” ҖЧҖ һәм уку йортлары арасыннан Казан архитектура-төзелеш университеты, Казан төзелеш колледжы һәм 2 нче номерлы һөнәри лицей катнашты.
Бүген Татарстан Республикасы төзелеш, архитектура һәм торак-коммуналь хуҗалык министрлыгында “Татарстан Республикасының коммуналь оешмалар союзы”ның Региональ бүлек берләшмәсенең гомуми җыелышы булды. Көн тәртибендә союзның 2011 елгы нәтиҗәләре һәм 2012 елга бурычлары иде. Җыелышта РООР “Татарстан Республикасының коммуналь оешмалары” ның планы, шулай ук берләшмәнең финанс-хуҗалык эшчәнлеге турында сөйләнелде.
Җыелыш РООР “Татарстан Республикасының коммуналь оешмалары”ның Президенты А.Х. Хәйруллин рәислегендә үтте. Җыелышта төзелеш, архитектура һәм торак-коммуналь хуҗалык министрының урынбасары Р.К. Кәримов, союз әгъзаләре – оешма җитәкчеләре катнашты.
Татарстан Республикасының төзелеш, архитектура һәм торак коммуналь-хуҗалыгы министрлыгы, Татарстан Республикасында коры төзелеш катнашмаларын җитештерүче “Баулюкс” группа компанияләренең бушлай семинар-презентациясенә чакыра.
Чараның төп темалары: “Баулюкс” коры төзелеш катнашмасының технологик һәм экологик өстенлеге; ГИБ проектында “Баулюкс-Группа”ның инновацион технологияләре һәм җитештергән продукты; Татарстан Республикасының төзелеш базарында “Баулюкс-Группа”ның технологик потенциалы; коры төзелеш катнашмаларын җитештерү өлкәсендәге уңышлары һәм аларның төзелеш урыннарында кулланылышы; күпер төзегәндә, фундамент төзегәндә куллана торган махсус цемент лар һәм ремонт әйберләре, җитештерә торган продуктның төрләрен арттыру перспективасы.
Бүген хөкүмәт йортында Татарстан Республикасы Президенты Р.Н.Миңнеханов рәислегендә видеоконференция тәртибендә киңәшмә булды. Әлеге киңәшмәдә торак төзү һәм тапшыру, БВС ветераннарын торак белән тәэмин итү, авария хәлендәге торак йортлардан гражданнарны күчерү буенча Республика адреслы программасын реальләштерү сораулары каралды. Төп доклад белән ТРның төзелеш, архитектура һәм торак-коммуналь министрының урынбасары Ф.М. Хәнифов чыгыш ясады.
Бүген Яшел Үзән шәһәренең “Идел” социаль төрнәкләндерү үзәгендә “Доступная среда” программасын тормышка ашыру кысаларында семинар булып узды. Әлеге семинарда ТРО ВОИ шәһәр һәм район оешмаларының рәисләре катнашты.
Сөйләшүнең төп темасы булып, инвалидлар һәм хәрәкәтләнүе авыр булган кешеләр өчен инфраструктура төзү торды. Шуны да искә төшерик, Татарстан Тверь һәм Саратов өлкәләре белән беррәттән, инвалидлар һәм халыкның аз мобильле төркемнәре өченбиналар, корылмалар, социаль инфрастуктура объектларында шартлар тудыру проектында катнаша.
2012 елның 18-19 апрельләрендә “Корстон” шәһәр сәүдә-ял итү үзәгендә төзелеш өлкәсендәге оешма җитәкчеләре һәм белгечләр, инвесторлар һәм өлкә бүлекчәләре өчен “Төзелештә бәя кую һәм сметалы нормалаштыру системасы. Инвестицион проектларны реальләштерү эффективлыгын үстерү» дигән темага семинар булачак. Семинарны республиканың инженер-техник үзәге, Татарстан Республикасының төзелеш, архитектура һәм торак- коммуналь хуҗалык министрлыгы белән берлектә оештыра. Әлеге семинарда төзелештә бәя кую федераль үзәгенең җитәкчеләре һәм әйдәп баручы белгечләре , РФның Региональ үсеш министрлыгы, сметалы бәя кую һәм инжинирингның үз бәясе милли ассоцияциясе, Краснодар өлкәсенең региональ бәя кую үзәге катнаша.
Бүген төзелеш, архитектура һәм торак- коммуналь хуҗалык министрлыгында фәнни-тикшеренү эшкәртмәләренә ярдәм итүнең уртак планын тормышка ашыру кысаларында киңәшмә булды.Казан дәүләт архитектура-төзелеш университеты белән берлектә иң беренче чиратта проектлы институтларга һәм конструкторлыбюроларга, шулай ук биналар һәм корылмалар төзү этабының нуленче циклы белән шөгыльләнүче төзелеш оешмаларына адресланган инновацион проектлар каралды.
Киңәшмәне төзелеш, архитектура һәм торак- коммуналь хуҗалык министрының урынбасары А.С.Әхмәтшин үткәрде. Әлеге киңәшмәдә КазГАСУның фәнни-тикшеренү проректоры А.М.Сөләйманов, КазГАСУның нигезләү һәм фундаментлаштыру, корылмалар динамикасы инженерлы геология кафедрасымөдире И.Т.Мирсаяпов катнашты.
Торак-коммуналь комплекс предприятиеләре һәм оешмалары арасында хезмәт саклауны һәм хезмәт шартларын яхшырту эшләрен активлаштыру, эш бирүчеләр һәм профсоюз комитетлары игътибарын хезмәт саклау законнарына җәлеп итү, ведомстволар һәм җәмәгатьчелекнең хезмәт саклауны контрольдә тоту нәтиҗәлелеген арттыру, хезмәт вакытында имгәнү, һөнәри һәм гомум авыруларны киметү максатыннан, Татарстан Республикасы төзелеш, архитектура һәм торак-коммуналь хуҗалык Министрлыгы тереклекне тәэмин итү өлкәсе хезмәткәрләре профсоюзы һәм “Татарстан Республикасы коммуналь предприятиеләре Союзы” Региональ тармак берләшмәсе белән берлектә ел саен “Татарстан Республикасы торак-коммуналь хуҗалык предприятиеләре арасында хезмәт саклауны иң яхшы оештыру” дип исемләнгән смотр-конкурс уздыра.