ЯҢАЛЫКЛАР
Татарстанда спорт өлкәсендә 2 млрд 387 млн сумлык 23 корылма төзелә. Бу хакта узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Алдагы ике атнада Казанда, Яшел Үзән, Лаеш, Питрәч һәм Түбән Кама районнарында берьюлы сигез универсаль спорт мәйданчыгы төзелеше тәмамланган.
Торак төзелешенең еллык планы 63 процентка үтәлгән, бу 2 млн 62 мең кв. м. тәшкил итә. Бу хакта узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм ТКХ министры Марат Айзатуллин хәбәр итте. Киңәшмәне видеоконференцэлемтә режимында Татарстан Премьер-министры Алексей Песошин уздырды.
21 апрельдән 12 июньгә кадәр Татарстан халкы сигезенче тапкыр 2026 елда төзекләндереләчәк паркларны, скверларны, яр буйларын, урамнарны һәм ишегалларын сайлады. Исемлеккә бөтен республика буенча 283 җәмәгать урыны һәм 812 ишегалды кертелде.
Татарстанда торак төзелеше буенча дәүләт программаларын гамәлгә ашыруның барышы ТР Төзелеш, архитектура һәм ТКХ министрлыгы каршындагы Иҗтимагый советның чираттагы утырышында каралды.
Утырышны Иҗтимагый совет рәисе Ринат Абдуллин үткәрде.
Әлмәт районының Иске Суркино авылында фельдшер-акушерлык пункты төзелеше «Дәвамлы һәм актив тормыш» илкүләм проектына керә торган «Беренчел буынны модернизацияләү» федераль программасы буенча алып барыла. Бу максатларга 12 млн 361 мең сумнан артык акча бүлеп бирелгән.
Капиталь ремонт программаларын төзегәндә муниципаль берәмлекләр газ исе белән агулану куркынычы югары булган күпфатирлы йортларда вентиляция каналларының һәм төтен чыгару юлларының эшкә сәләтен торгызу чараларын үз эченә алырга тиеш. Бу хакта Татарстан Республикасы Төзелеш, архитектура һәм ТКХ министры Марат Айзатуллин Татарстан Республикасы Министрлар Кабинетында республикада КФЙ капиталь ремонтының барышына багышланган брифингта әйтте.
Күпфатирлы йортларга капиталь ремонт ясау программасы Татарстанда 2008 елдан башлап гамәлгә ашырыла башлады һәм аны гамәлгә ашыру срокларын, халыкка кагылышлы кешеләрнең санын, инвестицияләр күләмен исәпкә алып, иң масштаблы программаларның берсе булып тора. Бу хакта бүген Татарстан Республикасы Төзелеш, архитектура һәм ТКХ министры Марат Айзатуллин Татарстан Республикасы Министрлар Кабинетында республикада КФЙ капиталь ремонтының барышына багышланган брифингта хәбәр итте.
Бүген Татарстан Республикасы Министрлар Кабинетында Татарстанда күпфатирлы йортларга капиталь ремонт барышына багышланган брифинг узды. Анда ТР Төзелеш, архитектура һәм торак-коммуналь хуҗалык министры Марат Айзатуллин чыгыш ясады.
Биектау районының Дөбъяз авылында «Гөлчәчәк» балалар бакчасында 70% ка капиталь ремонт ясалган.
Мәктәпкәчә учреждение 1985 елда төзелгән, һәм бу ел эчендә монда бер тапкыр да капиталь ремонт үткәрелмәгән. Ике катлы бинаның гомуми мәйданы 1 485 кв. м булган ике корпусы бар, ул 110 балага исәпләнгән.
«Безнең ишегалды» программасы кысаларында төзелеш-монтаж эшләре планлаштырылган күләмнең 43% башкарылган. Бу хакта «ТР шәһәрләрен үстерү институты» фондының шәһәр мохитен үстерү программалары департаменты җитәкчесе Арина Петрова ТР Хөкүмәте Йортында узган республика киңәшмәсендә хәбәр итте.