ЯҢАЛЫКЛАР
Түбән Камада Химиклар проспектында «Гаилә» паркын төзекләндерүнең өченче этабы дәвам итә.
Менделеевскида «Крепыш» катнаш типтагы балалар бакчасына капиталь ремонт ясау дәвам итә
Гомуми мәйданы 2 248 кв. м булган ике катлы мәктәпкәчә учреждение бинасы 1991 елда төзелгән. Агымдагы елда объект республика капиталь ремонт программасына кертелгән. Бу максатларга 94 млн сумнан артык акча бүлеп бирелгән, финанслау чыганаклары булып Татарстан Республикасы бюджеты һәм «Аммоний» АҖ тора.
Бүген «Казан Экспо» мәйданчыгында «Агроволга-2025» халыкара агросәнәгать күргәзмәсе ачылды. Аның эшендә Татарстан Рәисе Рөстәм Миңнеханов, Татарстан Республикасы Төзелеш, архитектура һәм торак-коммуналь хуҗалык министры Марат Айзатуллин катнашты.
Яшел Үзән районының Васильево бистәсендә 5,226 км озынлыкта су белән тәэмин итү челтәрләрен реконструкцияләү дәвам итә.
Объект 102,610 млн сум финанслау белән «Тормыш өчен инфраструктура» илкүләм проекты программасына кертелгән.
Бу хакта узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Узган шимбәдә ТР Хөкүмәте Йортында узган киңәшмәдә республиканың социаль-мәдәни объектларын капиталь ремонтлау программаларын гамәлгә ашыру турында ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте. Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.
Бүген Түбән Кама Советлар йортында Түбән Кама муниципаль районын җылыту чорына әзерләү мәсьәләләре буенча киңәшмә узды. Утырышны ТР Төзелеш, архитектура һәм ТКХ министрының беренче урынбасары Дамир Шәйдуллин Түбән Кама муниципаль районы Башкарма комитеты җитәкчесе Радмир Беляев белән берлектә үткәрде. Мәсьәлә буенча фикер алышуда шәһәрне һәм районны җылылык белән тәэмин итүдә катнашучы төп оешмалар вәкилләре, шул исәптән «Татэнерго» АҖ, «Суүткәргеч-канализация һәм энергетика хуҗалыгы» АҖ һәм идарә итә торган компанияләр вәкилләре катнашты.
Саба районының Яңа Мичән авылындагы мәдәният йортына капиталь ремонт ясалган. Гомуми мәйданы 444 кв. м булган бер катлы бина 1978 елда төзелгән һәм бу вакыт эчендә биредә бер тапкыр да капиталь ремонт ясалмаган.
9 июльдән 11 июльгә кадәр «Казан Экспо» халыкара күргәзмәләр үзәгендә «Спецтехника» техника һәм сәнәгать җиһазларының махсуслаштырылган күргәзмәсе узачак.
Чистайда Энгельс урамындагы суүткәргеч челтәрләрне тулысынча яңартачаклар. Реконструкция «Тормыш өчен инфраструктура» илкүләм проекты буенча алып барыла, чараларны гамәлгә ашыруга 191,469 млн сумнан артык акча бүлеп бирелгән.
Суүткәргеч челтәрләрнең гомуми озынлыгы 3,434 км тәшкил итә. Эшчеләр 1,078 км торба салганнар, план үтәлеше 30% ка җиткән. Төзелеш-монтаж эшләрен 30 августка тәмамларга кирәк булачак.