ЯҢАЛЫКЛАР

Бүген Россия Федерациясе Дәүләт Советының «Яшәү өчен инфраструктура» юнәлеше буенча комиссиясенең чираттагы утырышы булды.

Утырышны комиссия рәисе, Татарстан Рәисе Рөстәм Миңнеханов үткәрде. Чара видеоконференцэлемтә режимында узды.

2025 елда «Уңайлы шәһәр мохитен формалаштыру» федераль программасы буенча Татарстанда 51 җәмәгать урыны төзекләндереләчәк. Программа «Яшәү өчен инфраструктура» илкүләм проекты кысаларында гамәлгә ашырыла.

Яңарту программасына 7 объект керде, алар кече шәһәрләрдә һәм тарихи җирлекләрдә уңайлы шәһәр мохите булдыруның иң яхшы проектлары Бөтенроссия конкурсында җиңүчеләр булды. Бу, аерым алганда, Яшел Үзән муниципаль районының Зөя шәһәрендә «Зөя ярының Югары променады», Әгерҗедә «Вокзал һәм Ометов урамнарын үстерү», Югары Ослан муниципаль районының Иннополисында «Квант бульвары», Арча муниципаль районының Арча шәһәрендә «Арча сюжетлары – тарихи кварталның яңа тормышы» проектлары.

Апаста ике катлы балалар бакчасы төзелә. Гомуми мәйданы 1 981 квадрат метр булган мәктәпкәчә белем бирү учреждениесе 80 урынга исәпләнгән.

Хәзер биредә фасад һәм эчке бизәү эшләре, тышкы һәм эчке инженерлык челтәрләрен монтажлау эшләре алып барыла. Шулай ук керү төркеме дә билгеләнә. Объектның оператив әзерлеге 74% тәшкил итә.

«Бу ил Президенты йөкләмәсе буенча гамәлгә ашырыла торган «Геройлар вакыты» федераль программасының аналогы», – дип билгеләп үтте Рөстәм Миңнеханов.

Программаның төп максатлары – МХО катнашучылары һәм ветераннары арасыннан Татарстан Республикасында дәүләт һәм муниципаль идарә системасында, шулай ук башка өлкәләрдә үз потенциалын гамәлгә ашыру мөмкинлеге алачак перспективалы җитәкчеләр командасын формалаштыру һәм әзерләү.

Идел буе федераль округында коммуналь инфраструктураны Илкүләм муллык фонды акчалары исәбеннән ташламалы заемнар һәм федераль бюджеттан финанс ярдәме белән модернизациялиләр. Әлеге программаларның операторы булып территорияләрне үстерү фонды тора.

ФРТ мәгълүматлары буенча, 2022 елдан Идел буе федераль округы төбәкләрендә 1,2 мең км җылылык, су белән тәэмин итү һәм ташландык суларны агызу челтәрләре, шулай ук 119 торак-коммуналь хуҗалык объекты файдалануга тапшырылган.

Татарстанда 2025 елда «Безнең ишегалды» программасын гамәлгә ашыра башлауга әзерлек дәвам итә. «ТР шәһәрләрен үстерү институты» фондында хәбәр итүләренчә, 10 февральдә республикада ишегалды территорияләрен җиһазлау өчен 14 февральгә спорт, балалар һәм башка җиһазлар сатып алуга керештеләр. Программаның гомуми лимитыннан 80% җиһаз җыелган. Быел балалар һәм спорт җиһазлары ассортименты тагын бер җирле җитештерүче тарафыннан киңәйтелгән – компания Чүпрәле районында урнашкан.

Татарстанда күпфатирлы йортларга капиталь ремонт ясау программасын гамәлгә ашыру дәвам итә. Хәзерге вакытта өстәмә лимит буенча муниципаль берәмлекләр йортларның беренчел исемлеген тәкъдим иттеләр, дефектлы ведомостьларны республиканың Дәүләт торак инспекциясе белән килештерү һәм торак фонды мониторингының дәүләт мәгълүмат системасында программа формалаштыру буенча эшләр алып барыла.

Татарстанда мәгариф өлкәсендә 213 объектка капиталь ремонт ясалачак. Бу хакта шимбә көнне ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.

23 муниципаль берәмлектә 33 мәктәп, интернат-мәктәп, балалар йортлары һәм мәктәптән тыш эшләр үзәге тулысынча яңартылачак. 83 мәктәптә –  функциональ зоналар һәм 74 мәгариф учреждениесендә – азык-төлек блоклары.

Түбән Камада перинаталь үзәге булган район хастаханәсенең акушерлык корпусына капиталь ремонт ясау төгәлләнеп килә.

Акушерлык корпусы Менделеев урамында урнашкан. Гомуми мәйданы 4 490 кв. м булган бу дүрт катлы бина 120 урынга исәпләнгән.

Белгечләр эчке һәм фасад эшләрен башкаралар, сантехник җиһазлар урнаштыралар. Объектның оператив әзерлек проценты 92% тәшкил итә.

Бүген Татарстан Рәисе Рөстәм Миңнеханов Чаллыга эш сәфәре вакытында КАМАЗ хезмәткәрләре өчен 18 катлы аренда йортын файдалануга тапшыру тантанасында катнашты. Чарада Төзелеш, архитектура һәм ТКХ министры урынбасары Илшат Гыймаев та булды.

Бер подъездлы йортта 179 фатир бар, шул исәптән 108 – бер бүлмәле, 53 – ике бүлмәле һәм 18 – өч бүлмәле. Аларның гомуми мәйданы 8,8 мең кв. м.