ЯҢАЛЫКЛАР
Капиталь ремонт программасы буенча, өстәмә лимитны исәпкә алып, 42 муниципалитетта 911 күпфатирлы йорт исемлеге төзелде. Шул исәптән 222 йортта лифтларны алыштыру, 677 йортта гомуми төзелеш эшләре һәм 11 йортта бу эшләрнең ике төре дә башкарылачак.
Татарстанның Алексеевск районында Биләр дәүләт тарих-археология һәм табигать музей-тыюлыгы бинасына капиталь ремонт ясау төгәлләнеп килә.
Хәзерге вакытта объектның оператив әзерлеге 87% тәшкил итә.
Төзүчеләр Чишмә павильонын һәм тау башына баскыч салуны, брусчатка җәюне төгәллиләр. Фонтанны ремонтлау һәм түбәнге чишмәне төзекләндерү эшләре дә төгәлләнә.
Татарстанда күпфатирлы йортларга капиталь ремонт ясау программасын гамәлгә ашыру дәвам итә. Хәзерге вакытта өстәмә лимит буенча муниципаль берәмлекләр йортларның беренчел исемлеген тәкъдим иттеләр, дефектлы ведомостьларны республиканың Дәүләт торак инспекциясе белән килештерү һәм торак фонды мониторингының дәүләт мәгълүмат системасында программа формалаштыру буенча эшләр алып барыла.
Татарстанда мәгариф өлкәсендә 213 объектка капиталь ремонт ясалачак. Бу хакта шимбә көнне ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
23 муниципаль берәмлектә 33 мәктәп, интернат-мәктәп, балалар йортлары һәм мәктәптән тыш эшләр үзәге тулысынча яңартылачак. 83 мәктәптә – функциональ зоналар һәм 74 мәгариф учреждениесендә – азык-төлек блоклары.
Советлар Союзы Герое Б.К.Кузнецов исемендәге Казан кадет интернат-мәктәбендә капиталь ремонт тәмамланган.
Гомуми мәйданы 5 575 квадрат метр булган биш катлы бинаның түбәсе алыштырылган, эчке бизәү эшләре башкарылган, түшәмнәр монтажланган. Шулай ук электр яктырту системасы ремонтланган һәм техник җиһазлар урнаштырылган.
Эшләр 2024 елда дәүләт мәгариф оешмаларына капиталь ремонт буенча республика программасы кысаларында башкарылган.
2019 елга Татарстанда торакны капиталь ремонтлау программасына 986 йорт кергән, аңа 5,5 млрд сумнан артык акча тотылачак. Бу хакта ТР торак-коммуналь хуҗалыгы Фонды генераль директоры Марат Айзатуллин хәбәр итте. Фонд җитәкчесе сүзләренә караганда, Татарстанда күпфатирлы йортларда гомуми милекне капиталь ремонтлау буенча региональ программаны тормышка ашыруның кыска вакытлы планы расланган. «2019 елда кыска вакытлы планны гамәлгә ашыру гомуми мәйданы 5,8 млн кв. метр булган 986 күпфатирлы йортта 219,1 мең кеше өчен уңайлы яшәү шартларын тәэмин итәргә тиеш.»,- дип сөйләде Айзатуллин. «Кыска вакытлы план чараларын финанслауның гомуми күләме 5,5 млрд сум тәшкил итәчәк», - дип өстәде ул. 2019 елда торак йортларны капиталь ремонтлау өчен түләүләр элеккеге дәрәҗәдә калачак, дип хәбәр итәбез. Агымдагы елда алар күпфатирлы йорттагы бинаның гомуми мәйданының 1 кв. метрына 5,85 сум тәшкил итә.
Торак комплексы объектларына һәм социаль-мәдәни өлкә объектларга капиталь ремонт программасын гамәлгә ашыру турында бүген республика киңәшмәсендә Татарстан Республикасы төзелеш, архитектура һәм ТКХ министры урынбасары Алексей Фролов хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.
Алексей Фролов хәбәр иткәнчә, бүгенгә Татарстанда 974 күп фатирлы йорттан 831ендә капиталь ремонт тәмамланган. Шулардан инспекция 705 йортны кабул иткән. Программа үтәлешенең гомуми күләме 94%.
Гомуми белем оешмаларына капиталь ремонт кысаларында программа үтәлеше 99,5%ка җитә. 88 объектта эшләр тәмамланган.
Мәдәни объектларга капиталь ремонт буенча эшләр14 декабрьгә Чаллыда бер объектта дәвам итә, үзләштерү - 99%. 41 объектта эшләр төгәлләнгән.
Амбулатор-поликлиника учреждениеләрен яңарту дәвам итә. Бүгенгә ремонт 53 поликлиникада тәмамланган. 57 объектта эшләр график буенча бара. Программа үтәлеше 90,7% тәшкил итә.