ЯҢАЛЫКЛАР

Бүген автомобиль транспорты хәрәкәте,  Казандагы Җиңү проспекты һәм Р. Зорге урамы киселешендәге юл чишелешендә ачылды. Хәрәкәткә символик стартны Татарстан Президенты Рөстәм Миңнеханов бирде.

Төзелеш, архитектура һәм ТКХ Министрлыгы  ТР “Татлизинг” ГУП ярдәме белән “Мәктәпкә җыенырга ярдәм ит” республика хәйрия акциясендә катнашты. Беренче сыйныфка укырга керүче балалар өчен канцеляр кирәк-яраклар сатып алынды: буяулар, пумалалар, альбомнар, пластилин, кәгазъ – сабыйларның иҗади мөмкинлекләрен үстерү өчен кирәк булган барлык нәрсәләр.

Бүген Казанда озак дәваланган балаларның әти-әниләре өчен түләүсез кунакханә төзү эше башланды. Әлеге проектка тантаналы стартны, БРКХ территориясендә, Татарстан башлыгы Рөстәм Миңнеханов һәм “Макдоналдс”ның Россия һәм Көнчыгыш Европадагы президенты Хамзат Хасбулатов бирделәр. Чарада Төзелеш, архитектура һәм ТКХ министры И.Э. Фәйзуллин катнашты.

Бүген Татарстан Республикасы Төзелеш, архитектура һәм торак-коммуналь хуҗалык Министрлыгында “Менделеевск шәһәрендәге аммиак, метанол һәм бөртекләндерелгән карбамид җитештерүче “Аммоний” ААҖ комплексы” төзелешенә металлоконструкцияләр  җитештерү һәм төяп җибәрү сораулары буенча киңәшмә булды. Киңәшмәне Төзелеш, архитектура һәм торак-коммуналь хуҗалык министры И.Э. Фәйзуллин үткәрде.

Бүген Төзелеш, архитектура һәм ТКХ Министрлыгында ятим балаларны һәм ата-ана тәрбиясеннән мәхрүм калган балаларны торак белән тәэмин итү соравы буенча киңәшмә булды. Киңәшмәне Төзелеш, архитектура һәм ТКХ министры урынбасары А.М. Фролов үткәрде. Киңәшмәдә Төзелеш Министрлыгы, тармак министрлыклары белгечләре катнашты.

Бүген хакимият йортында ТР Президенты Р.Н.Миңнеханов рәислегендә, республиканың Премьер-министры И.Ш. Халиков катнашында, видеоконференция режимында, торак йортларны төзү һәм тапшыру, Бөек Ватан Сугышы ветераннарын торак белән тәэмин итү, авария хәлендәге торак йорт фондыннан гражданнарны күчерү Республика адреслы программасын  тормышка  ашыру сораулары буенча республика киңәшмәсе булды. Тцп доклад белән ТР Төзелеш, архитектура һәм ТКХ министры И.Э.Фәйзуллин чыгыш ясады.

Бүген Төзелеш, архитектура һәм ТКХ Министрлыгында ягу сезонына әзерлек буенча республика штабы утырышы булды. Утырышны Төзелеш, архитектура һәм ТКХ министры урынбасары Р.К. Кәримов үткәрде. Әлеге утырышта Төзелеш Министрлыгы белгечләре, тармак Министрлыкларыннан һәм республикадагы муниципаль оешмаларның Башкарма комитетларыннан вәкилләр катнашты. Катнашучылар видеоконференция режимында ягулык-энергетика һәм торак-коммуналь комплекслар объектларының 2012-2013 еллардагы ягулык чорына әзерлекләре турында сөйләштеләр.

Бүген Казанда Татарстан Республикасы Президенты Рөстәм Миңнеханов һәм FISUХалыкара студентлар спорты федерациясенең генераль секретаре Эрик Сайнтрондның очрашуы булды. ТР Хөкүмәт Йортында  булган әлеге очрашуда шулай ук Казан мэры Илсур Метшин, ТР яшьләр эшләре, спорт һәм туризм министры Рафис Бурганов, Республиканың Төзелеш, архитектура һәм ТКХ министры Ирек Фәйзуллин, Универсиада-2013 Дирекциясе башлыгы Владимир Леонов, FISUның беренче вице-президенты – Россия студентлар спорты союзы президенты Олег Матыцин, FISU  җәйге Универсиадалар директоры Марк Ванденплас катнашты.

Бүген Төзелеш, архитектура һәм ТКХ Министрлыгында сәламәтлек саклауны модернизацияләү программасын тормышка ашыру соравы буенча киңәшмә булды. Киңәшмәне Төзелеш, архитектура һәм ТКХ министры урынбасары А.М. Фролов үткәрде. Киңәшмәдә сәламәтлек саклау Министрлыгыннан һәм проектлы оешмалардан вәкилләр катнашты. Модернизацияләү программасының төп пунктларын тормышка ашыруда акчаны оптималь бүлү соравы катнашучыларның игътибар үзәгендә булды.

16 августка булган мәгълүматларга караганда, капиталь ремонт буенча эшләнгән эшләрнең гомуми суммасы 4 млрд. 155 млн. сум, әлеге сумма еллык лимитның 95 процентын тәшкил итә. Әлеге мәгълүмат бүген, ТР Хакимият Йортында ТР Премьер-министры Илдар Халиков үткәргән республика киңәшмәсендә әйтелде.

ТР Төзелеш. Архитектура һәм ТКХ министры Ирек Фәйзуллин хәбәр итүенчә, Актаныш, Әлмәт, Апас, Арча, Чүпрәле, Мамадыш, Норлат, Питрәч, Спас һәм Теләче муниципаль районнары бүленеп бирелгән чараларны тулысынча үзләштергән.

639 йортта капиталь ремонт эшләре тәмамланган. 25 муниципаль оешмадагы 157 йортның кабул итү актына ДТИ тарафыннан кул куелган.